Breaking News :

भरतपुुरमा भोलि दिनभर विद्युत अवरुद्ध हुने

भरतपुुरमा भोलि दिनभर जसो विद्युत अवरुद्ध (लाइन जाने) हुने भएको छ । बिहान ८ बजेदेखि बेलुका ६ बजेसम्म विद्युत अवरुद्ध हुने छ ।

विद्युत प्राधिकरण भरतपुर वितरण केन्द्रका प्रमुख राजिवकुमार सिंहले सवस्टेशनमा स्तरोन्नतीको काम गर्नुपर्ने भएकाले विद्युत अवरुद्ध हुने बताए ।

१३२ केभी, ३३ केभी र ११ केभी हेटौंडा ग्रीड अन्तर्गतको भरतपुर महानगरपालिका ११ बसेनीमा रहेको सवस्टेशनमा ११ केभी भिसिबि र लोड ब्रेकर स्विचहरु स्तरोन्नती गर्न लागिएको प्रमुख सिंहले बताए ।

भिसिबि र लोड ब्रेकर पूरानो भइसकेका र कम क्षमताका पनि भएकाले नयाँ फेर्न लागिएको उनले बताए । स्तरोन्नती गरेपछि भरतपुरमा भोल्टेजको समस्या, केबल पड्कने समस्या समाधान हुने उनको भनाइ छ ।

यस्तै विस्तारको क्रममा रहेको पुल्चोक–गोन्द्राङ्ग सडकमा भोलि पोल सार्ने काम पनि हुँदैछ । त्यसैले दुबैतर्फको काम एकैदिन पार्न खोजिएको प्रमुख सिंहले बताए ।

भरतपुर सवस्टेशनबाट वितरण हुँदै आएका विभिन्न क्षेत्रमा विद्युत अवरुद्ध हुन लागेको हो ।

merokhabarsathi

Read Previous

सभामुखको गैरसंवैधानिक र दलीय स्वार्थकेन्द्रित व्यवहार नसच्चिएसम्म सदनमा एमालेको विरोध जारी रहन्छ– सांसद रावल

Read Next

चितवनको पर्यटकीय नगरी सौराहाकाे प्रवेश द्वारमा राष्ट्रिय झण्डा

Leave a Reply

Your email address will not be published. Required fields are marked *

Follow On Instagram