कोरोना भाइरसले गर्दा विश्वका अधिकांश देशहरु आक्रान्त छन्। नेपालमा पनि कोरोनाको भयावह अझैपनि टरिसकेकाे छैन। निषेधाज्ञा केहिमात्रामा खुलेर सहज भएपनि पर्यटकीय गतिविधि भने अझैपनि ठप्पनै छ। तर वनजगंलमा रहेका चराचुरुङ्गी र वन्यजन्तुहरु भने याे समयमा स्वतन्त्र र खुला रुपमा देखिन्छन्। मानिसहरुलाई लकडाउनले गर्दा जीवनयापन गर्न गाह्रो भएपनि चराचुरुङ्गी तथा जनावरहरुलाई भने यसले फाइदा पुर्याएको छ । अहिले चराचुरुङ्गी तथा जनावरहरुले राहतको महसुस गरिरहेका छन् । पर्यटक नआउदा र मानिसकाे ओहाेरदाेहाेर कम भएकाेले हाेला चितवन राष्ट्रिय निकुञ्जमा गैंडा तथा अन्य जनावरहरु अहिले खेलिरहेकाे जगंलकाे छेउ बाटै पनि देख्न सकिन्छ। हरिणकाे चाल, मयुरकाे नाचँ, एकसिङ्गे गैंडा र चराचुरुङ्गीकाे चिरबिरचिरबिरले वन नै यतिबेला गुन्जयमान छ। काेराेनाले मानवजातिलाई बन्दी बनाएपनि वन्यजन्तुलाई भने खुलारुपमा हिडडुल गर्न सहज बनाएकाे देखिन्छ।