हिजाे देखि परेकाे अविरल वर्षाका कारण पूर्वी चितवनको विभिन्न स्थान डुबानमा परेकाे छ। डुबानका कारण राप्तीका १५० घरधुरी विस्थापित भएका छन् । जिल्ला प्रहरी कार्यलय चितवनका अनुसार राप्ती नगरपालिका वडा नं ७ र ८ का भवानीपुर, सुन्दरबस्ती र खुरखुरेलगायतका बस्तीमा पम्फा खाेलामा आएकाे बाढी पस्दा ती परिवार विस्थापित भएका हुन् ।

बाढीको जोखिममा रहेका उनीहरुलाई सुरक्षित स्थानमा स्थानान्तरण गरिएको प्रहरी प्रवक्ता सुर्य बहादुर थापाले जानकारी दिएका छन् । त्यहाँ रहेका ४०० जनालाई सुरक्षित ठाउँमा सारिएको छ। भने बूढी राप्तीमा आएको बाढीले डुबानमा परेका रत्ननगर नगरपालिका–८ रमाइलोडाँडाका २० परिवारका १०० जनालाई पनि सुरक्षित स्थानमा स्थानान्तरण गरिएको उनले बताए ।

ईलाका प्रहरी कार्यालय भण्डाराको टोली र सशस्त्र प्रहरी बल गढिमाई गण भण्डाराको टोली उद्धारका लागी सो क्षेत्रमा बोटको ब्यबस्था गरी तयारी अवस्थामा रहेको प्रहरीले जनाएको छ ।