चितवन। नेत्र विक्रम चन्द (विप्लव) ले नेतृत्व गरेको नेकपाका केन्द्रिय समिति सचिवालय सदस्य एवं पार्टी नेता धर्मेन्द्र बाँस्तोला ‘कञ्चन’ लाइ पक्राउ गरेको विरोधमा नेत्रविक्रम चन्द ‘विप्लव’ समूहले संघर्षका कार्यक्रम घोषणा गरेको छ । बिहीबार विप्लवले विज्ञप्ति सार्वजनिक गर्दै माघ १० गते ‘नेपाल बन्द’ सहितका संघर्षका कार्यक्रम सार्वजनिक गरेका हुन् । विप्लव नेतृत्वको नेकपाले आफ्ना पार्टीका नेतालाई सरकारले काममा खटिएको बेला पक्राउ गरेको बताएको छ। नेता धर्मेन्द्र बाँस्तोला ‘कञ्चन’ संगै अन्य २ जना विवेक र विशाललाई प्रहरीले पक्राउ गरेको जारी विज्ञप्तिमा जनाइएको छ। यसैक्रममा , नेपाल कम्युनिस्ट पार्टीको देशभरका जिल्ला समितिले विज्ञप्ति जारी गर्दै भोलि माघ १० गते पार्टीले आयोजना गरेको नेपाल बन्दमा सहयोग गरिदिन अनुरोध गरेका छ ।’