Breaking News :

बालबालिकालाई स्टेशनरी सामान वितरण

नारायण सापकोटा, माडी-                                  भरतपुर महानगरपालिका वडा नं १७ स्थायी घर भई हाल वैदेशिक रोजगारीको लागि जापानमा रहनुभएका समाजसेवी कुलराज कंडेल र मीना कंडेलको सहयोगमा माडी नगरपालिका वडा नं ५ बन्टौली टोलमा रहेका ३५ जना विपन्न बालबालिकालाई आज झोला र स्टेशनरी सामान वितरण गरिएको छ ।

झोला र र स्टेशनरी सामान वितरण गर्दै माडी नगरपालिका वडा नं ५ का वडाध्यक्ष रामबन्धु पोख्रेलले विपन्न बोटे र दराई परिवारका बालबालिकालाई झोला र स्टेशनरी सामान सहयोग गर्ने कुलराज र मीना कंडेललाई धन्यवाद दिदै यो सहयोगले बालबालिकाको पढाईमा उत्साह थप्ने विश्वास व्यक्त गर्नुभयो ।

स्टेशनरी सामान ग्रहण गर्दै दिवाकर स्मृति विद्यालय माडी कक्षा ७ मा अध्ययनरत विद्यार्थी समिर बोटले अभावको समयमा उपलब्ध भएको झोला र स्टेशनरी सामानले पढ्ने हौसला मिलेको जनाउँदै आगामी दिनमा पनि यस्तै सहयोग पाएमा पढाइमा सहयोग पुग्ने बताए । उनले सहयोग गर्ने सहयोगीलाई हार्दिक धन्यवाद दिए ।

कार्यक्रममा माडी ५ बन्टौली निवासी मीना बोटले वर्तमान सङ्कटको समयमा विपन्न परिवारका बालबालिकालाई झोला र स्टेशनरी सामान सहयोग गर्ने सहयोगी कुलराज र मीना कंडेलप्रति हार्दिक धन्यवाद ज्ञापन उत्तरोत्तर प्रगतीको कामना गर्नुभयो ।

पोशाक र स्टेशनरी वितरण कार्यक्रममा नेपाल कम्युनिष्ट पार्टी वाग्मती प्रदेशका सदस्य अोमनाथ पाण्डे, लायन्स क्लब अफ माडी ग्रीनका अध्यक्ष श्रीप्रसाद दवाडी, रेडियो माडीका अध्यक्ष सूर्य पाठक, सामाजिक व्यक्तित्व कृष्णलाल न्यौपाने लगायतको उपस्थिति रहेको थियो । वितरणको सहजीकरण सञ्चारकर्मी नारायण सापकोटाले गर्नुभएको थियो ।

merokhabarsathi

Read Previous

पुर्वि चितवनकाे निर्माणाधिन आकाशे पुलमा फेला परेको संकास्पद वस्तुलाई सेनाको टोलिद्धारा डिस्पोज

Read Next

पुर्बी चितवनमा मोटरसाइकल र ग्यासट्याङ्कर ठोकिदा २ जनाको मृत्यु

Leave a Reply

Your email address will not be published. Required fields are marked *

Follow On Instagram