Breaking News :

आज असार १५ गते धान दिवस, रोपाइँ गरी दही च्यूरा खाएर मनाइँदै

आज असार १५ गते धान दिवस। प्रत्येक वर्ष असार १५ गते मनाइने धान दिवस आज रोपाइँ गरी दही च्यूरा खाएर मनाइँदैछ । वि.सं २०६१ मंसिर २९ गते मन्त्रीस्तरीय निर्णय गरी २०६२ असार १५ गतेदेखि राष्ट्रिय धान दिवस मनाउन थालिएको हो ।

यस वर्ष कोरोना महामारीका बाबजुद पनि धान दिवस मनाइँदै छ । कृषि अनुसन्धान परिषदको परिसरमा व्यक्तिगत दुरी कायम राखी धान दिवस मनाइने कृषि विभागले जनाएको छ ।

असार १५ लाई नेपाली समाजमा दही च्यूरा खाने पर्वका रुपमा पनि लिइन्छ । खेतीपातीबाहेक अन्य पेशा र व्यवसायमा लागेका नेपालीले पनि आज दही च्यूरा खाएर असार १५ मनाउँछन् ।

मध्य गर्मीको यो समयमा युवा लाठे र रोपाहारले खेतका गराको हिलो छ्यापाछ्याप गरेर र असारे गीत गाएर मनोरञ्जन गर्छन् । कामको चटारोले थकित भएका किसान शक्तिप्राप्तिका लागि दही च्यूरा खान्छन् । दही च्यूराले शरीरमा शीतलता भई शक्ति सञ्चय हुने विश्वास गरिन्छ ।

यस वर्ष प्रिमनसुन सिजनदेखि नै पर्याप्त पानी परिरहेकाले मध्य असारसम्म आइपुग्दा २५ प्रतिशत रोपाइँ सकिइसकेको कृषि विभागका अधिकारीहरु बताउँछन् ।

merokhabarsathi

Read Previous

पशुपतिको जग्गा निकै सस्तो मूल्यमा भाडामा

Read Next

सुस्मिता हत्या प्रकरण: हत्यामा संलग्न चार जनालाई पक्राउ गरि सार्वजनिक

Leave a Reply

Your email address will not be published. Required fields are marked *