Breaking News :

कोरोनाको सित्तैमा उपचार गर्न फुटबल स्टार रोनाल्डोले आफ्ना होटललाई बनाए अस्पताल

काठमाडौं चैत २

फुटबल स्टार क्रिष्टियानो रोनाल्डोले आफ्ना होटल र रेस्टुरेन्टलाई अस्पतालमा रुपान्तरण गरेका छन्। जसमा कोरोना भाइरस संक्रमितको सित्तैमा उपचार हुने बताइएको छ।

कोरोनाको संक्रमण फैलँदै जाँदा विश्व खेलकुद गतिविधि प्राय ठप्प छन्। ठूला लिग फुटबलहरु रोकिएका छन्।

१ सय ३५ देशका विभिन्न क्षेत्रमा फैलिएको कोरोनाका कारण विश्वमा १ लाख ४२ हजार ५ सय ४९ जनामा संक्रमण देखिइसकेको छ। जसमा ५ हजार ३ सय ९३ जनाको मृत्यु भएको विश्व स्वास्थ्य संगठनले जनाएको छ।

यस्तोमा रोनाल्डोले पोर्चुगलमा रहेका आफ्ना होटलमा कोरोना संक्रमितको सित्तैमा उपचार गर्ने बताएका हुन्। डाक्टर र औषधीमा लाग्ने खर्च पनि रोनाल्डो आफैले ब्यहोर्ने स्पेनिस सञ्चार माध्यमले जनाएका छन्।

रोनाल्डोले सामाजिक सञ्जालमा सबैका लागि कोरोनाको जोखिममा एकजुट भएर सामना गर्न आग्रह पनि गरेका छन्।

0 Reviews

Write a Review

merokhabarsathi

Read Previous

कोरोना भाइरस: सङ्क्रमणको त्रासका कारण झापाका पर्यटकीय क्षेत्र सुनसान

Read Next

पूर्व मिस नेपाल उषा खड्की १७ वर्षपछि सम्बन्ध विच्छेद गर्दै

Leave a Reply

Your email address will not be published. Required fields are marked *