मंसिर १४ गते हुने स्थानीय तहको उपनिर्वाचनलाई मध्यनजर गर्दै कसैसँग इजाजतप्राप्त कुनै हतियार भए पाँच दिनभित्र बुझाउन जिल्ला प्रशासन कार्यालय चितवनले निर्देशन दिएको छ ।

भरतपुर महानगरपालिका वडा नम्बर १६, खैरहनी नगरपालिका ४ र ५ नम्बर वडामा हुने उपनिर्वाचनलाई शान्तिपूर्ण र भयरहित बनाउन प्रशासनले सो निर्देशन दिएको हो । प्रशासनले शुक्रबार जारी गरेको सूचनामा उपनिर्वाचनलाई स्वच्छ, निश्पक्ष र धाँधलीरहित बनाउनको लागि चितवन जिल्लामा कसैसँग इजाजतलिएर राखिएका साना र ठूला हातहतियार भए नजिकैको प्रहरी इकाइ वा जिल्ला प्रहरी कार्यालयमा अनिवार्य बुझाउन अनुरोध गरेको छ ।