Breaking News :

रवि लामिछाने बचाउँ संघर्ष समितिका अध्यक्षले दिए राजीनामा

रवि लामिछाने बचाउँ संघर्ष समितिका अध्यक्ष सरोज घिमिरेले राजीनामा दिएका छन् ।आज (सोमबार) भरतपुरमा पत्रकार सम्मेलनको आयोजना गरेर अध्यक्ष घिमिरेले राजीनामा दिएका हुन् ।

संचारकर्मी शालिकराम पुडासैनी र अनुसन्धानका लागि न्यायिक हिरासतमा रहेका रवि लामिछानेका सम्बन्धमा स्वच्छ र निष्पक्ष छानविन होस् भनेर बचाउँ समिति गठन गरिएको थियो । अध्यक्ष घिमिरले शान्तिपूर्ण कार्यक्रमका लागि समिति गठन गरिए पनि व्यक्ति विशेषले आन्दोलनलाई विथोल्ने प्रयास गरेकोले समितिको औचित्य सकिएको बताए ।

‘शान्तपूर्ण कार्यक्रम संचालन भइरहँदा असान्दर्भिक रुपमा व्यक्ति विशेष र गणतन्त्र माथि नै प्रहार हुन थालेपछि आन्दोलनलाई कमजोर बनाई भड्काउन थालेपछि समितिमा बस्नुको औचित्य नरहेकोले राजिनामा दिएको बताएका छन् ।’

उनले समितिका नाममा केहीले व्यक्तिगत फाइदा उठान खोजेको, छानविन कार्यलाई झनै प्रभावित बनाउने खालका उच्छृंखल गतिविधि हुन थालेको बताए ।

रवि लामिछाने बचाउँ संघर्ष समितिको अध्यक्षमा सरोज घिमिरे, उपाध्यक्षमा भरत पोखरेल, तारा बराल, सचिवमा शंकर तिवारी, सह–सचिव कृष्णप्रसाद भुषाल, कोषाध्यक्ष कल्पना श्रेष्ठ, सदस्यहरुमा इश्वर ढुंगाना, अर्जुनप्रसाद अधिकारी, सन्ध्या सापकोटा, सीताराम भट्टराई र सुमन आचार्य रहेका थिए ।

merokhabarsathi

Read Previous

प्रदर्शनमा पानी पिएर फालेको बोतल प्रहरीले टिप्दै गरेको यस्तो तस्बिर जसले सबैको मन छोयो (तस्बिर सहित)

Read Next

पूर्वयुवराज पारस शाहले माफी मागे

Leave a Reply

Your email address will not be published. Required fields are marked *