विमान दुर्घटना हुँदा १५ जनाको मृत्यु, विमानको आगो घरहरुमा सल्कियो

पाकिस्तानमा मंगलबार बिहान सैन्य जहाज दुर्घटना हुँदा कम्तिमा १५ जनाको ज्यान गएको छ । पाकिस्तानको रावलपिण्डीको आवासीय क्षेत्रमा सानो आकारको सैन्य विमान दुर्घटना भएको उद्धारमा खटिएका अधिकारीलाई उद्धृत गर्दै बिबिसीले जनाएको छ ।

ज्यान गुमाउनेमा विमानको चालक दलका पाँच तथा १० जना सर्वसाधारण रहेका छन् । घटनामा अरु १२ जना घाइते भएका छन् । तालिमको क्रममा उडानमा र हेको विमान दुर्घटनामा परेको हो । दुर्घटनाका कारण आगलागी भएको विमान विभिन्न घरमा ठोक्किएको थियो ।

पाकिस्तानको राजधानी इस्लामावादबाट नजिकै रहेको रावलपिण्डी पाकिस्तानी आर्मीको मुख्यालय रहेको क्षेत्र हो ।

दुर्घटनाको कारण खुलेको छैन । दुर्घटनास्थलमा सर्वसाधारणहरु जम्मा भएको समाचार संस्था एएफपीले जनाएको छ । जहाज ठोक्किँदा घरहरु क्षतिग्रस्त भएका छन् । विमानको आगो घरहरुमा पनि सल्किएको जनाइएको छ ।

merokhabarsathi

Read Previous

मुस्ताङमा एक भारतीय तीर्थयात्रीको मृत्यु

Read Next

विप्लवको बन्दका कारण देशका केही क्षेत्रको जनजीवन प्रभावित

Leave a Reply

Your email address will not be published. Required fields are marked *