Breaking News :

अब भारत छिर्न पनि नेपालीलाई भिसा चाहिने

नेपाल र भारतबीच विद्यमान परराष्ट्र व्यवस्थाअनुसार भारत यात्रामा रहने नेपाली वा नेपाल यात्रामा रहने भारतीयलाई सम्बन्धित देशको भिसा नचाहिने भए पनि चीन, मकाउ, हङकङ र पाकिस्तानबाट भारत आउने नेपाली नागरिकले भारतको भिसा लिनुपर्ने व्यवस्था गरिएको छ।

नयाँ दिल्लीस्थित नेपाली राजदूतावासले एक सूचनामार्फत यो स्पष्ट पारेको हो।

नयाँ दिल्लीस्थित नेपाली दूतावासले शनिबार जारी गरेको एक सूचनाअनुसार चीन, हङकङ, मकाउ र पाकिस्तानबाट भारतको बाटो हुँदै नेपाल आउन लागेका वा भारत आउँदै गरेका नेपालीले भारतको भिसा अनिवार्य रुपमा लिनुपर्नेछ।

त्यस्तै, भारतीय अध्यागन पार गरी  साउदी अरेबिया, कतार,  कुवेत, युएई,  ओमन, बहराइन, इराक, लिबिया र लेबनान यात्रा गर्ने नेपाली नागरिकहरुले नेपाली  राजदूतावासबाट नो अब्जेक्सन लेटर लैजानुपर्ने पनि भारतस्थित नेपाली राजदूतावासले जानकारी दिएको छ।

उक्त नो अब्जेक्सन लेटरका लागि ती देशमा जानुपर्ने कारणसहितको निवेदन, पासपोर्ट, भिसा र टिकट, श्रम स्वीकृति, यसअघिको यात्रा अभिलेख, अन्य आवश्यक कागजातहरुसहित नयाँ दिल्लीस्थित नेपाली राजदूतावासमा सम्पर्क राख्नुपर्नेछ।

merokhabarsathi

Read Previous

वर्षासँगै आएको बाढीले चितवनको माडी–ठोरी सडक अवरुद्ध

Read Next

डाक्टरको गाडीको ठक्करबाट बालकको मृत्यु

Leave a Reply

Your email address will not be published. Required fields are marked *