कैलाली र कञ्चनपुर जिल्लामा आज बुधबार बिहानदेखि फेरि आँधीबेहरी सुरु भएको छ ।

अचानक आँधीबेहरीसँगै वर्षा सुरु भएपछि जनजीवन सामान्य प्रभावित भएको जिल्ला प्रशासन कार्यालय कैलालीका प्रशासकीय अधिकृत शिवराज जोशीले जानकारी दिए । उनले केहीबेर चलेको आँधीबेहरी अहिले रोकिएको बताए ।

यस अघि गत बिहीबार साँझको भीषण हावाहुरीका कारण कैलालीमा दुईजनाको मृत्यु भएको थियो भने सय भन्दा धेरै घाइते भएका थिए ।