Breaking News :

चितवनमा गणतन्त्र दिवस मनाउने तयारी तिब्र

चितवनमा गणतन्त्र दिवस मनाउने तयारी तिब्र पारिएको छ । जिल्ला समन्वय समिति चितवनका प्रमुख कृष्णकुमार डल्लाकोटीको अध्यक्षतामा हिजो शुक्रबार जिल्ला प्रशासन कार्यालय चितवनमा वसेको वैठकले गणतन्त्र दिवस, २०७६ भव्य रुपमा मनाउने निर्णय गरेको हो । दिवस मनाउनका लागि ५ सय ५१ सदस्यीय मूल समारोह समिति गठन गर्ने निर्णय गरिएको छ ।

गणतन्त्र दिवस, २०७६ जेठ १४, १५ र १६ गते विविध कार्यक्रमहरु सहित मनाउने निर्णय गरिएको छ । तीन दिनको साझा कार्यक्रमको रुपमा साँझ दिपावली गर्ने भनिएको छ । जेठ १४ गते जिल्ला स्थित सवै सरकारी कार्यालयहरुमा राष्ट्रिय झण्डा फहराउने , विहान ७ः०० देखि ८ः०० सम्म भरतपुर महानगरपालिकाको संयोजकत्वमा गेष्ट हाउस चौर देखि भरतपुर अस्पताल सम्म सरसफाई गर्ने, प्रदेश ट्राफिक प्रहरी कार्यालय र जिल्ला ट्राफिक प्रहरी कार्यालयको अगुवाईमा सडक सुरक्षा सम्बन्धि कार्यक्रम आयोजना गर्ने, शिक्षा विकास तथा समन्वय ईकाई र भरतपुर महानगरपालिका शिक्षा शाखाद्धारा संयुक्त रुपमा भरतपुर महानगरपालिका स्तरीय वक्तृत्वकला कार्यक्रम आयोजना गर्ने र साँझ दिपावली गर्ने निर्णय भएको वैठकको अध्यक्षता गरेका प्रमुख डल्लाकोटीले जानकारी दिए ।

त्यस्तै गणतन्त्र दिवसको दिन जेठ १५ गते विहान ७ः०० वजे सवै संघ संस्थाहरु व्यानर सहित चौविसकोठीमा जम्मा भई प्रभातफेरी कार्यक्रम गर्ने, प्रभातफेरी कार्यक्रम गेष्टहाउस चौरमा गएर अन्त्य हुने र औपचारीक कार्यक्रम शुरु हुने, वक्तृत्वकलामा विजयी प्रथम, द्धितिय, तृतिय र सान्त्वनालाई पुरस्कार वितरण, सोही दिन कारागार कार्यालय, चितवनका महिला कैदि बन्दीलाई फलफूल वितरण गर्ने र साँझ दिपावली गर्ने कार्यक्रम तय भएको छ । १६ गते विहान ८ः०० वजे चौविसकोठी चौतारीमा नेपाल रेडक्रस, चितवन शाखाद्धारा रक्तदान कार्यक्रम गर्ने, यसै दिन आ–आफ्नो कार्यालय परिसरमा वृक्षारोपण (फलफूलका विरुवा ) गर्ने, साँझ दिपावली गर्ने निर्णय भएको छ ।

merokhabarsathi

Read Previous

प्रहरी माथि समाजले बिश्वास गर्ने बातावरण तयार गर्न लागि परेको छौ:- महानिरिक्षक खनाल

Read Next

सरकार अराजक गतिबिधिका साथ अघि वढेको छ:- नेता चौधरी

Leave a Reply

Your email address will not be published. Required fields are marked *