प्रधानमन्त्री ओलीलाइ ऐतिहासिक जीतगढीमा एक युवकले कालो झन्डा देखाएका छन्

वि.सं. १८७२ मा भएको युद्धमा अंग्रेज फौजमाथि विजय प्राप्त गरेको ऐतिहासिक ठाउँमा विजयोत्सव समारोह मनाउन प्रधानमन्त्री केपी शर्मा ओली, प्रदेश ५ का मुख्यमन्त्री शंकर पोखरेल लगायत आइपुगेका थिए । तर, जब प्रधानमन्त्री ओलीले सम्बोधन गरिरहेका बेला अर्घाखाँचीका रुद्र घिमिरे नाम गरेका युवकले कालो झन्डा देखाएका हुन् ।

एक्कासी उनले कालो झण्डा देखाउँदै जितगढि जिन्दाबाद, उजिरसिंह जिन्दाबाद, हाम्रो देश प्राण भन्दा प्यारो छ, भन्दै नारा लगाएका थिए । एक्कासी नारा लगाएपछि प्रधानमन्त्री ओलीले केही समय मन्तव्य राकेका थिए भने उपस्थित दर्शक समेत अचम्मित भएका थिए ।

प्रहरी समेत अलमलमा परेको थियो । केही समय पछि मात्र प्रहरीले उनलाई कार्यक्रम स्थल बाट बाहिर निकालेको थियो । बाहिर निकाल्न ढिला गर्दै गर्दा प्रधानमन्त्रीले ओलीले मञ्जबाटै कसैले पठाएर आएको विचारा भन्दै सवैलाई शान्त संग बस्न आग्रह गरेका थिए ।उनी कुन पार्टी कार्यकता हुन् भन्ने पुष्टि हुन सकेको छैन ।