Breaking News :

शान्ति चोकमा शक्तिशाली सिलिण्डर बम विस्फोट

चितिवनको भरतपुर महानगरपालिका–५ कैशालनगर स्थित शान्ति चोकमा रहेको कार्यालयमा मध्यराती करिब १२ः१५ बजे शक्तिशाली सिलिण्डर बम विस्फोट भएको छ ।

विस्फोटबाट कार्यालयको झ्यालका सिसा फुटेको र विस्फोटपछिको आगजनीबाट कागजपत्र जलेर नष्ट भएको जिल्ला प्रहरी कार्यालय चितवनका प्रमुख प्रहरी उपरीक्षक सुशीलसिंह राठौरले जानकारी दिनुभयो ।

जिल्लामा व्यापकरूपमा प्रहरी परिचालन भएकै समयमा विस्फोट भएको थियो । विस्फोट गराएको आशङ्कामा प्रहरीले राति नै छ जनालाई नियन्त्रणमा लिई अनुसन्धान शुरु गरेको राठौरले बताउनुभयो ।

घटना थाहा पाएलगत्तै महानगरको दमकल, सुरक्षाकर्मीको टोली पठाएर आगो निभाएको उनले बताए । घटना विप्लव निकट नेकपा माओवादीले गराएको अनुमान गरिएको छ।

0 Reviews

Write a Review

merokhabarsathi

Read Previous

चितवनका गाईमा अमेरिकी भ्रुण प्रत्यारोपण, दूध बढी उत्पादन गर्ने दीर्घकालिन लक्ष्य

Read Next

न्यूनतम पारिश्रमिक कार्यान्वयनमा ल्याउन माग गर्दै प्रेस युनियन चितवनको प्रधानमन्त्रीलाई ज्ञापनपत्र

Leave a Reply

Your email address will not be published. Required fields are marked *