Breaking News :

निकुञ्जको हात्ती प्रजनन केन्द्रमा लोकतन्त्रकलीले छावा जन्मायो

चितवन राष्ट्रिय निकुञ्जको हात्ती प्रजनन तथा तालीम केन्द्रमा रहेको लोकतन्त्रकलीले हिजो बिहीबार छावा जन्माएको छ । बिहान ४ः१५ बजे १२ वर्षकी कलीले छावा जन्माएको निकुञ्जका पशु स्वास्थ्य प्राविधिक पुरुषोत्तम पाण्डेले जानकारी दिनुभयो । उहाँका अनुसार यस वर्ष निकुञ्जमा लोकतन्त्रकलीसहित पाँच माउ हात्तीले छावा जन्माएका छन् ।

गत वर्ष निकुञ्जका हात्तीले छावा जन्माएका थिएनन् । हात्तीको प्रजननलाई ठूलो उपलब्धिको रूपमा लिइन्छ । यससँगै निकुञ्जमा चार भाले र एक पोथी छावा भएका छन् । यसअघि असोज २३ गते पूजाकलीबाट पोथी छावा, कात्तिक १६ गते गणेशकलीबाट भाले छावा, मङ्सिर ३ गते तमरकलीबाट भाले छावा र पुष १४ गते कणालीकलीबाट भाले छावा जन्मिएका थिए । अझै तीन गर्भिणी हात्तीले अर्को बर्ष बच्चा जन्माउने पाण्डेले जानकारी दिनुभयो ।

हाल निकुञ्जमा ५७ हात्ती छन् । गर्भिणी भएपछि २२ देखि २४ महीनामा हात्तीले बच्चा जन्माउँछ । कोशीटप्पु राष्ट्रिय निकुञ्जबाट ल्याइएका पाँच हात्ती पनि चितवन राष्ट्रिय निकुञ्जमा छन् । निकुञ्जको हात्ती प्रजनन एवं तालीम केन्द्र, सौराहा र कसराको हात्तीसार एवं पोष्टमा हात्ती राखिँदै आइएको छ । विसं २०४२ मा भारत सरकारले दिएको १६ हात्ती ल्याएर शुरु गरिएको प्रजनन केन्द्रमा हालसम्म २९ हात्तीका बच्चा जन्मिसकेका छन् । रासस

0 Reviews

Write a Review

merokhabarsathi

Read Previous

उपमेयर शाहलाई धम्कि पूर्ण सन्देश पठाउनेले मागे माफी

Read Next

‘गो फण्ड मी’ मार्फत् अन्तर्र्रािष्ट्रय क्रिकेट रङ्गशाला निर्माणमा सहयोग गर्न सकिने

Leave a Reply

Your email address will not be published. Required fields are marked *